لاني من ضحايا التعنيف ، أوقفوا العنف ضد المرآة

صعب اعترف وصعب اني اخبر العالم والبنات بشكل اخص اني من المعنفات، في ليبيا الي بتتعرض للعنف يعني بتستاهل وان اكيد جباته لنفسها مش مستوعبين ان هم انفسهم عرضة للعنف الجسدي واللفظي ، وفي اغلب الاحيان من لا يصدق ان هذا بيحصل في ليبيا وان بنات عائلات وبنات ناس الي بيتعرضوا لهذا وفي اغلب الاحيان لأتفه الاسباب ، هم بنات بيتعرضوا للعنف لكن معتبرينه شئ عادي جدا وان هذا من حق الرجل عليها وان طبيعي ان خوها او والدها او حتي والدتها والاكبر منها يتعرضلها ويهينها او يضربها ، مشكلة العنف الجسدي في ليبيا ان مافي حد يصيغلنا ولافي اي شرطة تتحرك لأنقاذنا ، وياما من بنات ماتوا نتيجة هل العنف وخاصة في مناطق الدواخل ، لابد من تفعيل الشرطة التي تحترم حقوق الانسان مهما اختلف جنسه اليوم وانا اخوي بيضربني في السيارة في وسط طريق المطار ، الكل كان واقف حتي من الشرطة وقفوا يتفرجوا لانها مشكلة عائلية !! لابد من تفعيل دستور يحمينا ، على فكرة زي ماسبق وحكيت في الفيديو ان الاهل مافي حد منهم حيحميك من العنف او ايردلك حتي جزء من كرامتك لذلك لابد انك انتي الي تسعي لرد العنف عنك واخد حقكك بقوة القانون ، ولاتخجلي لانك متعرضة لهذا بلعكس كوني فخورة بنفسك لان الشخص الي بيضرب  ويعنف مكان الحوار المنطقي هذا شخص ضعيف مثل خيال الصحراء ماليه وجود فقط بقاياه العفنة ، ولاتتركيها تفسد روحك الجميلة أيتها الليبية